Den dagen Nils Vik døde
Frode Grytten
Anbefaling
Ei vemodig og vakker reise
Nils Vik drar ut på si siste reis over fjorden i skyssbåten sin. På denne ferda har han ingen passasjerar med seg, men likevel dukkar dei opp ein etter ein i loggbøkene hans og i minnet hans. Det gjer også livet hans med kona Marta, frå det første møtet til det siste andedraget hennar. Det er ei vemodig og vakker reise i eit fjordlandskap og eit heilt vanleg liv.
Frode Grytten vann både Brageprisen 2023 og Bibliotekets litteraturpris 2024 for denne boka.
Anne Mo
Ryfylkebiblioteket Suldal
Om boka
Over fjorden går han. Over fjorden utan å nøle. Over fjorden som så mange gongar før. Seint og tidlig. Morgon og kveld. I storm og stille. Mot aust og mot vest. Bare måsane følger han, dei mumlar og klagar, verkar unaturlig kvite der dei heng over båten. Nils Vik snur seg. Huset glir straks ut av syne. Neste gong han snur seg, vil han ikkje kunne sjå det. I hjartet av Norge legg ein båt frå land. Vi følger Nils Vik på hans siste reise. Han er ein enkel mann med ein enkel jobb. Han skal få folk over fjorden med båten sin, han skal få dei heim igjen. Men det som ser enkelt ut, viser seg gjerne å vere meir komplisert. "Den dagen Nils Vik døde" er som ein dødsmeditasjon over eit liv og eit landskap. Det er ein roman om ein mann som berre har elska ei kvinne, og som elsker henne framleis, og som nå legg ut på si siste reise.