Farmors og farfars krig
Nicholas H. Møllerhaug
Gripande om krigsseglaren Einar Møllerhaug frå Sveio
Farmor og farfars krig er eit portrett av to besteforeldre, godt og nært skildra av barnebarnet Nicholas H. Møllerhaug. Når minna om krigen blei for tunge å bera, fekk Einar god støtte frå kona si, Alfhild. Trekkspelet var også godt å ty til når bileta av druknande unge soldatar ikkje ville gi han fred. Nicholas si historie frå samtalane med besteforeldra er supplerte med avisartiklar og m.a. kapteinløytnant Skule Storheill sine minne frå jagaren Stord.
Anne Mo
Ryfylkebiblioteket Suldal
Om boka
Einar Møllerhaug hadde ekstreme erfaringar som krigsseglar. Kvar natt etter krigen låg tre rullingsar klare til han vakna av dei unge gutane som skreik «mamma», «pappa» og «Jesus» i flammehavet utanføre Nordkapp, då Hitlers «Scharnhorst» gjekk ned. Einar Møllerhaug var òg blant dei første som nådde franske strender på D-dagen. Og han hadde heile 20 turar i konvoi til Murmansk. Kvar slik konvoi var det Churchill kalla «the worst journey in the world». Det var først mot slutten av livet han opna seg, og då var det særleg for barnebarnet, Nicholas. Trygt styrt av kona, Alfhild, fortalde Einar om livet sitt under krigen. Det er ei sterk og oppsiktsvekkande historie som kjem fram. Etter at farfaren gjekk bort, fortsette Nicholas å samle vitnesbyrd og leite i arkiv og andre kjelder.