Anbefaling
Korleis skal Gunnar klara kvardagen når pappa ikkje klarer å gjera vaksenjobben sin?
Boka om Gunnar viser at barn først og fremst treng foreldra sine. Når far stenger seg inne i si eiga sorg, er det dårleg for Gunnar, sjølv om han på overflata er velfungerande og har andre gode vaksne rundt seg. Heldigvis hjelper det pittelitt å ha ein god venn, vera forelska og å skriva i rekordboka!
Anne Mo
Ryfylkebiblioteket Suldal
Om boka
Verdas mest hemmelege rekordbok. Gunnar har ei bok. Ei bok full av rekordar. Der skriv han om Sivert, som er verdas beste kamerat, om far til Sivert, som må vera verdas blidaste mann, om pappa, som berre ligg på sofaen og er den tristaste Gunnar veit om. Og om Vilde, som har verdas finaste smil. Men han skriv ikkje om korleis eit hjarte berre kan slutta å slå, og han skriv ikkje om mamma. Han viser ikkje boka til nokon. Ingen får lesa Gunnars rekordbok. Forteljing for mellomtrinnet.