Den grenselause hagen

Litteratur og forteljing
Vaksne
Krever billett

Den grenselause hagen - med fokus på gjenbruk

Espen Skarphagen mellom vekstar i hagen sin
Espen Skarphagen mellom vekstar i hagen sin
Espen Skarphagen mellom vekstar i hagen sin

Arrangementet krev billett

Dato

onsdag, 9. april

Tid

19:00 - 21:00

Stad

Ryfylkebiblioteket Suldal - Allrommet i kulturhuset

Arrangør

Sand bygdekvinnelag, Suldal hagelag, Folkeakademiet i Suldal

Billettar

Billettsal ved inngang. Medlemmar av Suldal hagelag og Sand bygdekvinnelag: kr 100. Andre: Kr 150
Legg til i kalender

Kom til inspirarande foredrag frå mannen bak Skarpihagen.no!

Gjennom eigne kanalar og podcasten "Grøntpodden" har Espen Skarphagen gjennom ei årrekke delt tips og råd rundt planter og dyrking inne og ute. Han er bokaktuell og blir snart å sjå i sin andre sesong som dommar Sommerhytta. I tillegg har han fast spalte i Bonytt og er kjent frå God Morgen Norge.

Espen er opptatt av å spela på lag med naturen og ta vare på det me har av gamle og nye vekster - i tillegg til å vera ein plantenerd som fyller uterommet med raritetar! Med andre ord er hagen og uterommet ein stad der alt er lov.

I foredraget vil Espen gi tips og inspirasjon til å skapa ein hage med stort biologisk mangfald og vekstar som tilfører form, farge og struktur i uterommet. Ulike soner og hagerom er viktige verkemiddel for å bygge opp ein spennande hage, men vel så nyttig for å skape mikroklima og gode vekstforhold. Ved å spela på lag med naturen og ha ein sirkulær tankegang, kan ein etablera og vedlikehalda eit lettstelt, frodig grønt og innbydande uterom.

Eit stort mangfald og breidt utval av planter treng ikkje vera dyrt. Smarte planteval og rett plassering er ein faktor for å lukkast, men endå viktigare er det å ta vare på det me har av planter. Dyrking frå stiklingar og frø og deling av planter vil gi oss sterke og veltilpassa planter som trivest.

Du får vera med på ei reise i form, farge og funksjon med biologisk mangfald og grunnleggande dyrking som stikkord.

Den grenselause hagen | Ryfylkebiblioteket Suldal