Det er sommerferie, Dagfinn og Bjørg er ferdige medniande klasse. Dagfinn er svært oppteken av motorsyklar, og heime på garden har han ein moped med trimma motor. Medan han er ute og køyrer ulovleg, skadar han seg. Bjørg finn han og hjelper han heim. Nye og varme kjensler for kvarandre veks fram i dei, men det syner seg snart at dette er ei forelsking med komplikasjonar. Frank, Odd og Wenche kjem inn som forstyrrande element. Hovudingrediensane i denne nokså enkle historia er forelsking, trekant og sjalusi. Det handlar om å treffe dei rette val. Komposisjonen er enkel, og det er lett å hengje med i handlinga. Språkleg erho grei, men ein finn nokre ord og uttrykk som ikkje vil vere kjent for ein del. Samlaget, 1997. 114 s. (Annoteringen er utarbeidet av Statens bibliotektilsyns rådgivende utvalg for barne- og ungdomslitteratur).