I Sone Z prøver flyktningar på ulovleg vis å ta seg inn i landet. DeGarve er ein av mange operatørar som styrer ubemanna fly over sonen, jobben deira er å halde flyktningane ute - med dei midla som krevst. Ein dag forsvinn dotter til DeGarve sporlaust. Ingen finn ut kvar ho er, sjølv om det er kamera overalt. DeGarve må sjølv legge ut på leiting, ein prosess som åpnar mange gamle sår. Har han nokon gong kjend si eiga dotter? Kva slags far og ektemann har han eigentleg vore? Romanen skildrar eit samfunn med total overvaking og streng grensekontroll, der menneskeverdet er sett alvorleg på prøve.
